طريقة عمل اللحمة بالبصل أورمة , نقدم لكم فى هذا المقال احد اصناف اللحوم الشهيرة والمعروفة بمزاقها الخاص والمميز وهو طاجن اللحمة بالبصل الاورمة والذى يعتبر احد الطواجن الشهيرة فى مجتمعاتنا العربية وطريقة تحضيره سهلة جدا ويقدم كوجبة غداء مع الارز بالشعرية والسلطة ويعد طاجن اللحمة بالبصل من الوصفات السهلة جدا فى تحضيرها ومكوناتها بسيطة جدا فيتكون من اللحم والبصل الاورمة وبعض التوابل , واليكم خطوات تحضير هذا الطاجن الشهى بكل سهولة .
المقادير
- كيلو لحمة
- كليو بصل أورمة
- ملح
- فلفل
- بهارات
- حبهان
خطوات التحضير
- تغسل اللحم جيدا.
- بسلق اللحم نص سوا فقط بالطريقة المعتادة مية مغليه فيها طماطم وبصل وحبهان.
- وأحط اللحمة ولما تقرب للسوا بحط ملح وفلفل ونشلها من الشوربة.
- البصل لو حجمه صغير مش بقطعه بالسكين وبحطها كامله.
- لو حجمها كبير مثلا مقاس الخوخة بقطعها يا اتنين يا اربعة بحيث كل البصل يبقى مقاس واحد ويستوى سوا.
- بحط البصل فى الصينية وارش ملح وفلفل مش كتير لأن اللحمة ملحها خدته فى السلق.
- اقطع اللحم وأرصهم فوق البصل واخد شوية شوربة وأحطهم عليها وأغطيها تغلى على البوتجاز.
- بعد ما أتأكد ان البصل أستوى واللحمه نضجت تماما بحطهم فى الفرن ياخدوا لون البصل طعمه خطير واللحمه بتاخد من طعمه ان شاء الله تجربوها وتعجبكم
- وبالهنا والشفا.